Әйтергә кирәк, 2016 елга кадәәр АММАның бары тик бер генә җитештерү цехы булган. Инвестицион проектны тормышка ашыру барышында күп эшләр башкарылган: яңа җир участоклары һәм җитештерү биналары алынган, җыю цехы, металлопрокат склады булдырылган, корпоратив мәгълүмати-идарә итү системасы кертелә башлаган.

Компаниядә быел гына бик күп төзелеш эшләрен тәмамлау максат итеп куелган. Хакимиятнең инвестицияләр һәм сәнәгать бүлеге белгече Антон Андреев та аларга ярдәм итәргә тырышуларын, әлеге вакытта Роснефть компаниясе белән дизельле электродвигательләрне ремонтлау буенча цехны сатып алу хакында сөйләшүләр алып барылуын әйтте. Компания цехны реконстркуцияләргә исәп тота.Проектны тормышка ашыру өчен 350 миллион сум инвестицияләргә җыенабыз, аларның 50 миллионы үткән ел, 35 миллионы быел җәлеп ителде инде, – Миншат Әхмәтсәлим кызы. – Планлаштырган эшләребезне уңышлы башкарып чыга алсак, 170 яңа хезмәт урыны булачак.

Алдынгы социаль икътисади үсеш территориясе резиденты статусы алу компаниягә ярыйсы акча экономияләргә мөмкинлек биргән. Льготалы налог режимы нәтиҗәсендә алынган акчаларны алар җитештерүне үстерү һәм социаль проектларны тормышка ашырыр өчен кулланырга исәп тоталар: күп балалы гаиләләргә, яшь белгечләргә ярдәм күрсәтү, спорт залларына абонементлар биреп, сламәт яшәү рәвешенә этәрү, хезмәткәрләргә һәм аларның балаларына лагерьларга, санаторийларга юлламалар бирү, квалификацияләрен үстерү.

АММА – уникаль предприятие. Җитәкчесе Михаил Антонов – искиткеч тәрбияле, намуслы, белемле, үзаллы һәм заманча карашлы кеше. Иң мөһиме – алар кризиска бирешми, – ди Бәләбәй районы хакимияте башлыгның икътисад буенча урынбасары Наил Гомәров.

Сәләтле яшьләр җитәкләгән бу компаниягә яңа үрләр, Бәләбәйгә зур уңышлар китерүен телисе килә.